मौजमस्ती, युवति जिस्काउने जस्ता कार्यको लागि खास एक गाउँबाट अर्को गाउँमा जाने।

धनुषा — झिझिया नाच हेर्न जाँदै गरेका तीन युवकसहितको मोटरसाईकल दुर्घटनामा परी दुई जनाको घटनास्थलमै मृत्यु भएको छ । गएराति करिब १०:३० बजे धनुषाको कमला नगरपालिका–२ माचि र वडा नं. ३ लगमाबीच रहेको खोक्साहा पुल नजिक दुर्घटना भएको हो । भारतीय नम्बर प्लेट BR 32A 87988 भएको हिरो स्पेलेण्डर मोटरसाईकल अनियन्त्रित भई दुर्घटना हुँदा दुई जनाको ज्यान गएको र एकजना गम्भीर घाइते भएको प्रहरीले जानकारी दिएको छ । घटनामा परेका मृत्यु हुनेमा जनकनन्दिनी गाउँपालिका–५ बनरझुला बस्ने १८ वर्षीय अमित यादव, पिता विक्रम यादव र सोही स्थानका १६ वर्षीय कुश मिश्र, पिता देव मिश्र रहेका छन् । घाइते हुनेमा डोमा महतोका १७ वर्षीय छोरा राहुल महतो रहेका छन् । उनलाई जनकपुर प्रादेशिक अस्पतालमा उपचारका लागि लगिएको छ । प्रहरीको भनाइ प्रहरीका अनुसार चालकले मादक पदार्थ सेवन गरी ओभर स्पीडमा सवारी चलाउँदा मोटरसाईकल घुमाउरो सडकमा अनियन्त्रित बनेर दुर्घटना भएको हो । मृतकहरुको शवलाई पोष्टमार्टमका लागि जनकपुर प्रादेशिक अस्पताल पठाइएको र पछि परिवारलाई जिम्मा लगाइने जनाएको छ । झिझिया नाचसँगै बढ्दो दुर्घटना दशैंताका विभिन्न गाउँमा आयोजना हुने झिझिया वा अोर्केष्ट्रा प्रकारका कार्यक्रम हेर्नका लागि युवाहरु टोल–टोलबाट राति अबेर मोटरसाईकलमा जाँदै आएका हुन्छन् । रमाइलो, जिस्क्याउने, मादक पदार्थ सेवन र लापरबाहीका कारण हरेक वर्ष यसरी दुर्घटनामा ज्यान जाने घटनाहरू बढिरहेका छन् । यसलाई स्थानीयले सामाजिक विकृति र जोखिमपूर्ण प्रवृत्तिको रूपमा लिने गरेका छन्

Redirecting... Please wait.