सिरहामा प्रहरीकै अगाडि ५ दलित समुदायको घर भत्काएर लुटपाट र तोडफोड...
जनकपुरधाम, १८ असोज । सिरहाको कल्याणपुर नगरपालिका–८, अरङ गाउँमा दलित बस्तीमाथि भएको आक्रमणले स्थानीयहरू आक्रोशित भएका छन्। शुक्रबार साँझ करिब ५ बजेतिर पाँच दलित परिवारका घर प्रहरीकै अगाडि तोडफोड र लुटपाट गरिएको हो।
पीडित राजकुमार पासवानका अनुसार, राजकुमार सिंह, प्रभाष सिंह, शैलेन्द्र सिंह र नितेश सिंहलगायत २०–२५ जनाको समूहले घर भत्काई सुन, चाँदी, अन्नपात लुटेका थिए।
“हामीले प्रहरी बोलाएका थियौं, तर उनीहरू मुकदर्शक बने,” राजकुमारले गुनासो गरे।
लुटपाटमा संलग्नले खानेपानीका हातेपम्प, फलफूलका बिरुवा र घरका सामानसमेत नष्ट गरेका छन्।
घटनापछि इलाका प्रहरी कार्यालय मिर्चेया र सशस्त्र प्रहरीको टोली पुगेपछि समूह फरार भएको थियो।
सिरहा प्रहरी प्रमुख एसपी अनन्तराम शर्माले भने, “प्रहरीले तोडफोड रोक्ने प्रयास गरेको थियो र गोली चलाउने चेतावनी समेत दिएको थियो।”
प्रहरीले एक जनालाई पक्राउ गरिसकेको र बाँकी फरार अभियुक्तको खोजी जारी रहेको जनाएको छ।
दलित समुदायले भने यस घटनालाई पूर्वनियोजित आक्रमण र जातीय अन्यायको रूपमा लिएका छन्
Redirecting... Please wait.
Comments
Post a Comment